To‘ylar mavsumi ham o‘z nihoyasiga yetmoqda, Gollivudda esa kelinlar soni ortib bormoqda. Quyida o‘zining to‘y marosimiga qizg‘in tayyorgarlik ko‘rayotgan yulduzli juftliklarni ko‘rib chiqamiz.
Ledi Gaga va Maykl Polanski
Xonanda Ledi Gaganing nomsiz barmog‘idagi uzuk birinchi marta aprel oyida paparassiga tushib qolgan edi. Ushbu suratlarga xonanda izoh berishdan bosh tortdi, biroq oradan bir necha oy o‘tgach, u o‘zining turmushga chiqayotgani haqidagi xabarlarni tasdiqladi: Ledi Gaga Fransiya bosh vaziri Maykl Polanski bilan unashtirilganini e’lon qildi.
Insayderlar fikriga ko‘ra, juftlik allaqachon to‘yga bog‘liq barcha rejalarni tuzib chiqqan va hozirda to‘y marosimini Yevropada o‘tkazish masalasini ko‘rib chiqmoqda.
Adel va Rich Pol
Uzoq muddat davomida munosabatlarini ommadan yashirib kelgan yana bir juftlik — Adel va Rich Pol ham unashtirilganligini e’lon qildi. Ma’lum bo‘lishicha, sport agenti o‘tgan yili xonandaning qo‘lini so‘ragan.
Yaqinda Germaniyada bo‘lib Adelnig navbatdagi konsert dasturida muxlislardan biri unga turmushga chiqishini so‘radi. Adel bunga javoban:
“Men bunday qila olmayman, chunki allaqachon turmushga chiqyapman”, deya tan oldi va sakson ming kishi to‘plangan stadionda o‘zining unashtiruv uzugini namoyish qildi — “Taklifingizni qadrlayman va sizga katta rahmat aytaman”, — dedi xonanda.
https://x.com/DiaryofDelly/status/1821977133843112108?ref_src=twsrc%5Etfw%7Ctwcamp%5Etweetembed%7Ctwterm%5E1821977133843112108%7Ctwgr%5E376373ef0bec4d86226a821e6293542822b26484%7Ctwcon%5Es1_&ref_url=https%3A%2F%2Fdaryo.uz%2F2024%2F08%2F11%2Fmen-turmushga-chiqyapman-xonanda-adel-unashtirilganini-elon-qildi
Holzi va Evan Jogia
Asl ismi Eshli Nikolett bo‘lgan xonanda Holzi ham shaxsiy hayoti haqida muxlislari bilan kam bo‘lishadi. Yulduz hatto qallig‘i Evan Jogia bilan birga tushgan rasmlari internetda tarqalsa ham jurnalistlarga bu haqda izoh berishni istamaydi.
Yaqinda juftlik ijtimoiy tadbirga tashrif buyurganda xonandaning barmog‘idagi zumrad uzuk ko‘pchilikning e’tiborini tortdi. Mish-mishlarga qaraganda, Holzi Va Evan yaqin orada turmush qurish istagida.
Zoi Kravits va Chenning Tatum
Amerikalik aktrisa va xonanda Zoi Kravits aktyor Chenning Tatum bilan unashtirilganiga bir yildan oshdi. Juftlik uch yil avval tasodifan tanishib qolgan edi. Hozircha ular rasman turmush qurish masalasini biroz kechroqqa qoldirgan. Ammo ba’zi insayderlar Zoi va Chenning yashirincha turmush qurishgan, deya taxmin qilmoqda.
Dakota Jonson va Kris Martin
Ma’lumotlarga ko‘ra, Kris Martin aktrisa Dakota Jonsonga 2023-yil oktyabr oyida turmush qurishni taklif qilgan, biroq mashhurlar muxlislarga ushbu quvonchli xabarni aytishga hali tayyor emas.
Selena Gomes va Benni Blanko
O‘tgan yilning oxirida Selena o‘zining hamkasbi, musiqiy prodyuser Benni Blanko bilan uchrashayotganini ma’lum qilgan edi. Xonanda qallig‘i bilan tushgan suratlarini Instagram’da tez-tez joylashtirib turadi. Insayderlarning ta’kidlashicha, san’atkorlar munosabatlarini qonuniylashtirishga tayyor va hatto farzand ko‘rishni rejalashtirmoqda.
Emma Roberts va Kodi Jon
Selena Gomesdan farqli o‘laroq Emma Roberts o‘zining turmush qurayotganini yashirib o‘tirmadi. Kodi Jon uning qo‘lini so‘ragan kunning o‘zidayoq bu xushxabarni barchaga e’lon qildi. Aktrisa joylashtirgan surat ostida qiziqarli izoh qoldirdi:
“Onam barchaga to‘yim bo‘layotgani haqida e’lon qilmasidan o‘zim aytib qo‘ya qolay!”.
Izoh (0)