10-avgust kuni Kayli Jenner o‘zining tug‘ilgan kunini nishonladi. Biznesledi 27 yoshga to‘lgani munosabati bilan yaqinlari uchun bayram ziyofati uyushtirdi.
Joriy yilda Kayli Jenner oilasi va do‘stlarini Bagama orollariga olib ketishga qaror qildi. Bir necha kun avval paparatssilar Kardashyan va Jennerlar oilasi tug‘ilgan kun bayramini o‘tkazish uchun shaxsiy samolyotga chiqayotganining guvohi bo‘ldi. Darvoqe, Kayli bilan birgalikda uning qallig‘i Timoti Shalame ham bortda bor edi.
Ziyofat oilaviy davrada o‘tkazilgan bo‘lsa-da, Kayli xonalar va yaxtani bezatish uchun astoydil harakat qildi. Bayram dasturxoni shirinliklar va gullarga to‘la edi.
Yulduz bu haqda o‘zining Instagram’dagi sahifasida “Bu hayotimdagi eng yaxshi tug‘ilgan kunim edi” deya yozib qoldirdi.
Realiti-TV yulduzi, model va ishbilarmon ayol Kayli Jenner va aktyor Timoti Shalame munosabatlarini yashirishga qaror qilgan va shaxsiy hayotini ommaga namoyish qilishdan bosh tortgan.
Avvalroq Timoti Shalamening shaxsiy hayotiga matbuotning e’tibori kuchaygani tufayli o‘zini noqulay his qilgani va u omma e’tiborini asosan “Dyuna”ning ikkinchi qismiga yo‘naltirishni istashini aytgan edi.
“Bundan tashqari, u Kayli bilan munosabatlarini himoya qilmoqchi”, deydi insayderlar.
Izoh (0)