Maxsus janr bor — feel-good movie — o‘zingizni yaxshi his qilishga yordam beradigan kino. Quyida kun oxirida yaxshi dam olishingiz uchun shunday loyihalarni to‘pladik.
“Qalb xotirjamligi”
Bu 30 yildan ortiq yozuvchilik qilgan ayol haqida hikoya. U sakkiz yillik yaxshi turmushidan keyin eri bilan ajrashadi. Ammo eridan rasman ajralganidan so‘ng, u boshqa erkak bilan munosabat boshlashga erta ekanini tushunadi. Yozuvchi muqarrar narsaga duch kelishga jur’at etadi — birinchi navbatda o‘zining ichki dunyosini tushunish va o‘zi bilan munosabatlarini yaxshilashi kerak. Ammo u asta-sekin munosabatlarsiz quvonch topishni o‘rganadi — sayohat, yangi do‘stlar, mazali taomlar, yangi hobbilar. Ko‘z o‘ngimizda mo‘jiza sodir bo‘ladi — singan yurak shifo topadi va yana sevishga tayyorlanadi.
“La-La Lend”
Rayan Gosling hamda Emma Stoun ishtirokidagi sevgi va karyera o‘rtasidagi murosaga bag‘ishlangan go‘zal, yorqin va chuqur tragikomik musiqiy film. Yosh aktrisa va noma’lum jazz musiqachisi Gollivudda karyerasini qurishga harakat qilmoqda. Ular harakat qiladi, rad etiladi, qayg‘uradi va keyin yana urinib ko‘rishadi. Ularning maqsadlariga erishishdagi qat’iyati har qanday vaziyatda ham taslim bo‘lmaslikka undaydi.
“13 dan 30 ga”
“13 dan 30 ga” yengil kayfiyat bag‘ishlovchi filmi karyerasida katta muvaffaqiyatlarga erishgan barcha a’lochi talaba qizlarga bag‘ishlanadi. Bu kartina istaklarning ro‘yobga chiqishi, shuningdek, hamma narsa siz xohlagan tarzda bo‘lishi uchun qanday harakatlar qilish kerakligi haqidagi film. 13 yoshida katta qizlardek go‘zal va mustaqil bo‘lishni orzu qilgan qizcha bir kechada 30 yoshli ayol bo‘lib uyg‘onadi.
“Gollivuddagi taqdir hazili”
Eng mashhur sovet filmi asosida yaratilgan yana bir yengil romantik komediya. Bu xuddi shu voqea SSSRda 1970-yillarda emas, balki 2020-yillarda AQSHda qanday sodir bo‘lganini tasavvur qilish imkonini beradi.
“Huriliqo”
Film bosh qahramoni sport zalida boshini qattiq urib oladi va to‘satdan o‘zini sohibjamol deb hisoblay boshlaydi. Aslida u to‘la ayol, erkaklarning e’tiborini torta olmaydi. Bosh qahramonning hayoti keskin o‘zgaradi — u orzu qilgan ishga kiradi, osonlik bilan karyera quradi va haqiqiy sevgisini uchratadi. Bu voqealar faqatgina bir haqiqatni tasdiqlaydi — hamma narsa bizning ongimizda: fikrlar yo‘nalishini o‘zgartiring va haqiqat ham shunga moslashadi.
“Sendan yiroqda”
“Sendan yiroqda” ispan-italyan seriali opa-singil Vachovskilarning “8 hissiyot” asariga o‘xshaydi, shuningdek, serialda Rim, Sevilya va Praganing juda ko‘p manzaralari mavjud. Bosh qahramon yirik sayyohlik kompaniyasini boshqaradi, u arzon aviakompaniyalar va onlayn bronlar paydo bo‘lgunga qadar katta daromad olib keladi. Serialdagi qahramonlar eng qiyin vaziyatlarda ham umidsizlikka tushmaslikka undaydi.
“Katta soniya”
Viktor Shamirovning nozik, chuqur ma’noli va kulgili seriali qanchalik nomukammal ekanligimizni eslatib turadi. Insonlar qalbida juda ko‘p yaralar borki, eng muhim daqiqalarda dono, olijanob va chiroyli harakat qilishga to‘sqinlik qiladi.
“Katta soniya” bu — serial ichidagi serial. Serial bir-birini yoqtiradigan, lekin birga bo‘lolmaslikdan sarosimaga tushib qolgan ikki musiqa o‘qituvchisi haqida. Ularga qo‘shimcha ravishda ikki ssenariy muallifining hayoti ham hikoya qilinadi. Ular er-xotin va qiyin ajralish jarayonini boshdan kechirishadi.
Izoh (0)