Kinotavsiya: Taqdir sinovlari oldida yengilmagan ayollar haqidagi 5 ta film

Bukilmas iroda, jasorat va matonat bilan taqdir zarbalariga dosh berib, qiyinchiliklarni yengib o‘tgan ayollar haqidagi mazkur filmlarni tomosha qilib, ketgan vaqtingizga achinmaysiz.

“Kliko xonim”

Rejissyor: Tomas K. Napper

Fransuz ayol Barba-Nikol Kliko (Xeyli Bennet) 20 yoshida turmushga chiqadi va 27 yoshida qo‘lida bolasi bilan beva qoladi. Agar uning 18-asrdagi boshqa tengdoshlari taqdirning bunday zarbasidan taslim bo‘lishsa, Kliko buni o‘ziga ep ko‘rmaydi. U nafaqat erining ko‘pikli vino biznesini o‘z qo‘liga oladi, balki uni rivojlantiradi ham. Ko‘pikli vino ishlab chiqarish uchun u joriy etgan innovatsion texnologiyalar butun dunyoni zabt etadi va hozirgacha ishlab chiqaruvchilar tomonidan istisnosiz foydalanilmoqda. Hatto bir necha asrlar o‘tgan bo‘lsa ham, dunyo hali ham Kliko nomini olgan brendni yaxshi biladi. Film o‘ziga ishonish qanchalik muhimligini eslatib turadi.

“Elis Xartning yo‘qolgan gullari”

Rejissyor: Glendin Ayvin

O‘tgan yilning eng chiroyli — mazmunli va vizual seriallaridan biri. Filmda dahshatli yong‘inda birvarakayiga ota-onasidan ayrilgan Elis ismli qiz haqida hikoya qilinadi. Uni gullar tilida qanday muloqot qilishni biladigan florist va botanik buvisi Jun qaramog‘iga oladi. U Elisga ham bu sirni o‘rgatadi. Vaqt o‘tishi bilan Elis ota-onasining nikohi havas qilarli emasligini bilib oladi — otasi qizni va uning onasini muntazam ravishda kaltaklagan. Ularning hayotiga zomin bo‘lgan yong‘in esa tasodifan bo‘lmagan.

Serial hal qilinmagan travmalar qanday oqibatlarga olib kelishi haqida. Ammo shu bilan birga, qahramon Lyuis Kerroll ertagidagi Alisa singari ozod bo‘lishga muvaffaq bo‘ladi va o‘tmish bilan kelishib, kelajakka yangi kuch bilan qadam qo‘yadi.

“Ayollar sirlari”

Rejissyor: Rodrigo Garsiya

Alexandro Inyarrituning dastlabki filmini eslatuvchi, uncha mashhur bo‘lmagan ammo hayratlanarli kartinasi.

“Ayollar sirlari” epilog va muqaddima bilan besh qismdan iborat bo‘lsa-da, qahramonlar taqdiri bir-biriga bog‘liq. Ular turli muammolarga duch kelishadi: yaqinlariga qilingan xiyonat, yolg‘izlik, rejalashtirilmagan homiladorlik va u bilan bog‘liq qo‘rqinchli tanlov — abort qilish yoki bolani saqlab qolish, faqat o‘z kuchiga tayanish, shuningdek, yaqin odamni yo‘qotish qo‘rquvi.

Glenn Klouz, Kameron Dias, Xolli Hanter, Kalista Flokxart o‘ynagan qahramonlar boshiga tushgan qiyinchiliklarni turli yo‘llar bilan yengishadi. Garchi ularning muammolariga befarq bo‘lmagan ayollardan yordam olishga muvaffaq bo‘lishsa ham, muammolarga yechim topish o‘zlariga qoladi.

“Almashtirilgan bola”

Rejissyor: Klin Istvud

Klint Istvudning Anjelina Joli ishtirokidagi “Almashtirilgan bola” trilleri real voqealarga asoslangan. 1920-yillar. Yolg‘iz ona Kristin Kollinzning o‘g‘li noma’lum bosqinchilar tomonidan o‘g‘irlab ketiladi. Politsiyaning harakatsizligidan charchagan ayol voqeani ommaga e’lon qiladi, bu esa huquq-tartibot xodimlarini g‘azablantiradi. Natijada ishni tezroq yopishga qaror qilishadi: ular boshqa birovning bolasini onaga qaytarib berishadi va stress tufayli o‘g‘lini taniy olmayotganlikka o‘jarlik bilan ishontirishadi. Bu narsa ish bermagach, u ruhiy kasalxonaga yuboriladi.

Ekranda sodir bo‘layotgan voqealar haqiqatda sodir bo‘lganiga ishonish qiyin. Bolalar va ularning ota-onalariga nisbatan zo‘ravonlik, jazolovchi psixiatriya, poraxo‘r hokimiyatning harakatsizligi va katta qayg‘uga duch kelgan kichik odamning taqdiri. Bu hikoya Gollivud filmlaridek baxtli yakunga ega emas.