Sifatli ssenariy yozish oson ish emas, hatto tajribali ijodkorlar ham ba’zida xato qiladi. Biroq mantiqqa e’tibor berilmaganiga qaramay, bugungi kunda mazkur filmlar hamon sevib tomosha qilinmoqda.
“Shoushenkdan qochish” filmidagi plakat
Kichik bolg‘acha bilan qamoqxona devorida ulkan teshik ochib, undan qochib ketish ham mumkindir. Ammo plakat u yerda qanday ilinib turadi? Yoki film qahramoni Endi uni tashqi tomondan yopishtirib qo‘yganmi?
“Armageddon” o‘ziga o‘zi muammo yaratadi
Sayyorani yakson qiluvchi asteroid Yerga yaqinlashganda tajribali astronavtlar jamoasi yordamiga tayanish o‘rniga zararli odatlar va ruhiyatida muammolari bo‘lgan odamlarni qutqaruvchilikka yollash qanchalik to‘g‘ri?
“Gravitatsiya”da gravitatsiya inkor qilinadi
Sandra Bullok va Jorj Kluni ishtirokidagi butun filmning o‘zini katta so‘roq ostiga qo‘yish mumkin. Bundan tashqari, sun’iy yo‘ldoshlar ham raketa hujumi xavfi ostida edi. Bullok ijro etgan qahramon filmning deyarli har bir sahnasida o‘lishi mumkinligi haqida gapirmasa ham bo‘ladi.
“O‘yinchoqlar tarixi”ning asosiy xatosi
Multfilmning birinchi qismi Endining yangi o‘yinchog‘i Bazz Layter o‘zining haqiqiy kosmik reynjer ekanligiga chin dildan ishonishiga asoslangan. Bolakay xonaga kirganda esa barcha o‘yinchoqlar kabi kosmik reynjer ham qotib qoladi. Demak, u o‘zini qalban o‘yinchoq hisoblaganmi?
“Kapalak effekti” filmidagi nomuvofiqliklar
Butun film o‘tmishdagi eng kichik o‘zgarish qanday halokatli oqibatlarga olib kelishiga bag‘ishlangan. Ammo Kutcherning qahramoni bolaligida qo‘lini kesib olganida, uning ta’siri katta bo‘lganida sezilmaydi. Birgina aksirish butun sayyora taqdirini o‘zgartirib yuboradi. Qo‘lini kesganda esa faqat chandiqlar qoladi xolos.
“Sokin joy” filmidagi bir nechta xatoliklar
Atrofda ovozingiz yordamida topib oladigan yirtqich maxluqlar izg‘ib yurganda qahramonlar sharsharaga borib, suv shovqini ostida gaplashib kelishadi. Keyin yana sokin o‘rmonga qaytib, imo-ishoralar bilan so‘zlashishadi. Sharsharaga bormasdan, o‘rmonning o‘zida ishoralar bilan gaplashsa bo‘lmasmidi?
“Karatechi bolakay” filmida sportning oddiy qoidalari ishlamaydi
Deniyel turnirda g‘olib chiqadi, tabiiyki, musobaqaning yagona qoidasi — raqibining yuziga urmaslikdir. Ammo qahramon aynan shu yo‘l bilan g‘olib bo‘ladi.
Izoh (0)