Poytaxt tumanlarining ayrim hududlarida elektr ta’minoti vaqtincha to‘xtatiladi. Bu haqda “Toshkent shahar elektr tarmoqlari” xabar berdi.
Isteʼmolchilarga sifatli va barqaror elektr energiyasi yetkazib berilishini taʼminlash va elektr tarmoqlaridagi avariyaviy holatlarning oldini olish hamda mavjud elektr qurilmalarida taʼmirlash ishlarini olib borish maqsadida bugun, 2-avgust kuni quyidagi manzillarda elektr taʼminoti vaqtincha o‘chirildi:
- Yunusobod tumani — “Posira”, “Obod”, “Oqtepa”, “Shoshtepa”, “Yurtobod”, “Mehnatobod”, “Beg‘ubor” hamda “Bobodehqon” MFYlarining ayrim hududlarida soat 00:00 dan 12:00 gacha;
- Yashnobod tumani — “Bog‘bon” MFYning ayrim hududlarida soat 09:30 dan 17:00 gacha;
- Yakkasaroy tumani — “Konstitutsiya” MFYlarining ayrim hududlarida bugun soat 09:00 dan 17:00 gacha.
“Toshkent shahar elektr tarmoqlari” MCHJ mazkur taʼmirlash ishlari tufayli elektr taʼminotidagi vaqtincha uzilishlar sababli yetkazilayotgan noqulayliklar uchun ushbu hududlarda yashovchi isteʼmolchilardan uzr so‘raydi.
Shuningdek, taʼmirlash ishlari tufayli Bektemir tumanining “Musaffo”, “Nurli yo‘l”, “Sohil” va “Oltintopgan” MFYlariga 2-avgust kuni soat 09:00 dan 18:00 gacha tabiiy gaz yetkazib berish vaqtincha to‘xtatiladi:
- aholi isteʼmolchilari soni — 1678 ta;
- ulgurji isteʼmolchilar soni — 26 ta.
Taʼmirlash ishlari tugatilgandan so‘ng, tabiiy gaz taʼminoti qayta tiklanadi.
Avvalroq Energetika vazirligi soat 11:00 dan soat 17:00 gacha elektr energiyasini o‘chirilishi haqida tarqalgan xabarlarni rad etgandi.
Izoh (0)