O‘zbekistonning Qozog‘istondagi elchixonasi konsullik bo‘limi vaqtincha fuqarolarni qabul qilmaydi

O‘zbekistonning Qozog‘istondagi elchixonasi mamlakat fuqarolariga murojaat bilan chiqdi.

Qayd etilishicha, profilaktika ishlari olib borilishi munosabati bilan 2024-yilning 5-10-avgust kunlari O‘zbekistonning Qozog‘istondagi elchixonasi konsullik bo‘limi fuqarolarni qabul qilishni vaqtincha to‘xtatadi.

“Noqulayliklar uchun uzr so‘raymiz”, — deyiladi xabarda.

Iyun o‘rtalarida O‘zbekistonning Rossiyadagi elchixonasi vatandoshlarga murojaat qilgandi. Ta’kidlanishicha, so‘nggi paytlarda elchixona Call-markaziga O‘zbekiston fuqarolari tomonidan Rossiyaga kirishda yoki Moskva shahridagi Sheremetyevo xalqaro aeroportida tranzit orqali o‘tishda aeroport xodimlari tomonidan uzoq va haddan tashqari ko‘p tekshiruvlar o‘tkazilayotgani yuzasidan ko‘plab xabarlar kelib tushmoqda.

• 2023-yilning noyabrida Zafarbek Ahmedov Qirg‘izistonning O‘sh shahriga O‘zbekistonning birinchi bosh konsuli etib tayinlangandi.
• Dekabr oyida esa Qirg‘izistonda O‘zbekiston bosh konsulligi rasman ochilgan edi.
• O‘zbekistonning O‘sh shahridagi bosh konsulligi 2022-yilda ish boshlagan bo‘lib, Qirg‘izistonning Botken, Jalolobod va O‘sh viloyatlariga xizmat ko‘rsatadi.