Тошкентнинг учта тумани ҳудудида электр энергияси таъминоти вақтинча ўчирилади 

Пойтахт туманларининг айрим ҳудудларида электр таъминоти вақтинча тўхтатилади. Бу ҳақда “Тошкент шаҳар электр тармоқлари” хабар берди.

Истеъмолчиларга сифатли ва барқарор электр энергияси етказиб берилишини таъминлаш ва электр тармоқларидаги авариявий ҳолатларнинг олдини олиш ҳамда мавжуд электр қурилмаларида таъмирлаш ишларини олиб бориш мақсадида бугун, 2 август куни қуйидаги манзилларда электр таъминоти вақтинча ўчирилди:

• Юнусобод тумани — “Посира”, “Обод”, “Оқтепа”, “Шоштепа”, “Юртобод”, “Меҳнатобод”, “Беғубор” ҳамда “Бободеҳқон” МФЙларининг айрим ҳудудларида соат 00:00 дан 12:00 гача;
• Яшнобод тумани — “Боғбон” МФЙнинг айрим ҳудудларида соат 09:30 дан 17:00 гача;
• Яккасарой тумани — “Конституция” МФЙларининг айрим ҳудудларида бугун соат 09:00 дан 17:00 гача.

“Тошкент шаҳар электр тармоқлари” МЧЖ мазкур таъмирлаш ишлари туфайли электр таъминотидаги вақтинча узилишлар сабабли етказилаётган ноқулайликлар учун ушбу ҳудудларда яшовчи истеъмолчилардан узр сўрайди.

Шунингдек, таъмирлаш ишлари туфайли Бектемир туманининг “Мусаффо”, “Нурли йўл”, “Соҳил” ва “Олтинтопган” МФЙларига 2 август куни соат 09:00 дан 18:00 гача табиий газ етказиб бериш вақтинча тўхтатилади:

• аҳоли истеъмолчилари сони — 1678 та;
• улгуржи истеъмолчилар сони — 26 та.

Таъмирлаш ишлари тугатилгандан сўнг, табиий газ таъминоти қайта тикланади.

Аввалроқ Энергетика вазирлиги соат 11:00 дан соат 17:00 гача электр энергиясини ўчирилиши ҳақида тарқалган хабарларни рад этганди.