BBC Португалия терма жамоаси ҳужумчиси Криштиану Роналду билан боғлиқ можаро юзасидан баёнот берди.
Эслатиб ўтамиз, BBC телеканали Евро—2024 доирасидаги Словения билан ўйинда (0:0, пенальтилар сериясида 3:0) Роналду пенальти тепа олмаган онда устидан кулган эди. 105-дақиқада Роналду пенальтини голга айлантира олмади. Ҳужумчи тепган тўпни словениялик дарвозабон Ян Облак қайтарди. BBC жонли эфир пайтида Роналдунинг фамилияси ўрнига Мисстиано Пеналдо ( пенальти тепа олмаган Роналду) деб ёзди.
“Бу шунчаки сўз ўйини эди, биз буни таҳлилий жадвалларда кўп марта қилганмиз. Ҳеч қандай ҳақорат йўқ. Биз Роналду ҳақида кўп ижобий гапирамиз, жумладан, Жозе Фонте Роналдунинг ўйин олдидан машғулотларга бўлган меҳрини эътироф этиб, шунинг учун у тарихдаги энг яхшиларидан бири эканини айтган. Танаффусда Гари Линекер ва Алан Ширер Роналдунинг ҳаракатларини узоқ таҳлил қилиб, уни “мутлақо фантастик” деб атади. Пенальтилар сериясидан сўнг Гари Линекер ва Алан Ширер Роналдунинг жасорати ва биринчи зарбага ишончини мақтади.
Мутахассислар ҳеч қачон Роналдуни ҳаддан ташқари танқид қилмаган ва умуман дастур контекстида унга нисбатан оҳанг доимий равишда ҳурмат билан қаралган. Бироқ, биз баъзи томошабинлар графикадан норози бўлганини инобатга олган ҳолда, ўз устимизда ишлаш учун ҳам танқидларни ишчи гуруҳга етказганмиз”, — дейилади BBC Dailymail баёнотида.
Маълумот учун, Словения билан ўйинда Португалия терма жамоаси ғалаба қозониб, чорак финалига чиқди ва ярим финал учун баҳсда Францияга пенальтилар сериясида мағлуб бўлди.
Изоҳ (0)