Angliya terma jamoasining sobiq futbolchisi Jon Terri Yevro—2024 doirasidagi Sloveniya bilan o‘yinda (0:0, penaltilar seriyasida 3:0) Portugaliya terma jamoasi hujumchisi Krishtianu Ronalduga nisbatan qilingan qo‘pol hazil uchun BBC telekanalini tanqid qildi.
Ma’lumot uchun, 105-daqiqada Ronaldu penaltidan unumli foydalana olmadi. Sloveniyalik darvozabon Yan Oblak 11 metrdan tepilgan to‘pni qaytarishga erishdi. BBC penalti tepilish vaqtida Ronalduning familiyasi o‘rniga Misstiano Penaldo (o‘zbek tiliga tarjimasi — Penaltidan unumli foydalanolmaydigan Penaldo) deb yozdi.
“BBC, bu—uyat”, deb yozdi Jon Terri o‘zining ijtimoiy tarmoqlarida translyatsiyadan shov-shuvli skrinshotni ilova qilib.
Qayd etish joiz, aksariyat futbol muxlislari ham BBC’ni tarixdagi eng yaxshi futbolchilardan biri haqida hazil qilgani uchun tanqid qilgan.
Izoh (0)