Rossiyada vaqtinchalik yashash yoki ishlashga ruxsatnoma olish uchun migrantlarga rus tilidan imtihon topshirish talablari maktab bitiruvchilari bilan bir xil bo‘lishi kerak. Bu haqda “Rosobrnadzor” rahbari Anzor Muzayevga tayanib, “TASS” xabar berdi.
“Bu talablar maktablarimizning to‘qqizinchi va o‘n birinchi sinf o‘quvchilariga qo‘yilmoqda, ya’ni, bu yerda kelganlarga nisbatan hech qanday salbiy munosabat yo‘q. Qonun barchaga bir xil bo‘lishi kerak”, — dedi Muzayev.
“Rosobrnadzor” tomonidan migrantlar uchun imtihon o‘tkazish bo‘yicha takliflar quyidagilarni o‘z ichiga oladi: majburiy so‘zlashuv, yozuv ko‘nikmalarini aniqlash uchun topshiriqlar, imtihon jarayonining to‘liq video va audioyozuvlari bilan qayd etilishi, testda minimal baholash chegarasini oshirish.
Izoh (0)