Sverdlovsk viloyatining bir qator shaharlarida Rossiya fuqaroligini olgan, ammo harbiy xizmatda ro‘yxatdan o‘tmagan shaxslarni aniqlash bo‘yicha reydlar o‘tkazildi, 900 dan ortiq migrant ro‘yxatga olindi. Bu haqda “Interfaks” xabar berdi.
Biz yaqinda Rossiya fuqaroligini olgan jami 920 dan ortiq kishini ro‘yxatga olishga muvaffaq bo‘ldik, ulardan 130 dan ortig‘i Rossiya qurolli kuchlari safiga chaqiruv va shartnoma bo‘yicha harbiy xizmatga jo‘nab ketgan, — deyiladi departament xabarida.
Bunday reydlar Yekaterinburg, Nijniy Tagil, Pervouralsk, Bogdanovich va Suxoy Log shaharlarida mehnat muhojirlari ommaviy to‘planadigan joylarda – oziq-ovqat bozorlari, ulgurji sabzavot omborlari, yotoqxonalarda o‘tkazilgan.
Shuningdek, Rossiya Ichki ishlar vazirligi Moskvadagi reyddan keyin 800 dan ortiq noqonuniy muhojirlarni deportatsiya qiladi. Poytaxtda noqonuniy migratsiyaga qarshi kurash bo‘yicha o‘tkazilgan reyd davomida politsiya 6 mingdan ortiq qoidabuzarliklar aniqlagan va 800 dan ortiq noqonuniy migrantlarni Rossiyadan chiqarib yuborishga qaror qilgan.
Politsiyaning aniqlik kiritishicha, reyd davomida xavfsizlik kuchlari tomonidan turar joy sektori, ulgurji va chakana savdo, umumiy ovqatlanish shoxobchalari, qurilish va boshqa10 mingdan ortiq obyekt ko‘zdan kechirilgan.
Izoh (0)