Bugungi kunda tashkilotlar, OAV xodimlari va blogerlar o‘rtasidagi o‘zaro hamkorlik mazkur tashkilot faoliyati bilan yurtdoshlarimizni tanishtirishda eng maqbul yo‘l sifatida qaralmoqda. Bu turdagi tadbirlar samarasi o‘laroq, tashkilotlar faoliyatining shaffofligi va raqobatbardoshligi ta’minlanmoqda, deyishimiz mumkin. Shunday hamkorlik tadbirlaridan navbatdagisi joriy yilning 15-fevral kuni Namangan viloyatida bo‘lib o‘tdi.
AT “Aloqabank” mijozlari hisoblangan “Irvadon asal savdo” xususiy korxonasi va “Ideal tekstil orzu” mas’uliyati cheklangan jamiyatiga jurnalist va blogerlar uchun maxsus press-tur tashkil etildi.
Press-tur davomida ishtirokchilar tadbirkorlik subyektlari faoliyati bilan yaqindan tanishishdi, yaratilgan ish o‘rni hamda ishlab chiqarish quvvatiga oid qimmatli ma’lumotlarga ega bo‘lishdi.
Shu o‘rinda mazkur ma’lumotlarni qisqacha keltirib o‘tamiz
Mijoz nomi: “Irvadon asal savdo” xususiy korxonasi
Faoliyat turi: asalarichilik
Faoliyat boshlagan vaqti: 2019-yil
Mavjud ishchilar soni: 20 nafar ishchi
Yillik asal ishlab chiqarish quvvati: 30 tonna
Mijoz nomi: “Ideal tekstil orzu” mas’uliyati cheklangan jamiyat
Faoliyat turi: tikuvchilik
Faoliyat boshlagan vaqti: 2019-yil
Mavjud ishchilar soni: 500 nafar
Yillik ishlab chiqarish quvvati: 200 000 dona tikuvchilik mahsulotlari
Yillik eksport hajmi: 1 500 000 AQSH dollari
Press-tur davomida jurnalist va blogerlar o‘zlarini qiziqtirgan savollarga javob olishdi. Ayniqsa, bank tomonidan ajratilgan kredit summasining qanday maqsadlarda sarflangani, kutilgan natijaga erishilgan yoki erishilmagani — ishtirokchilarni qiziqtirgan asosiy masala bo‘ldi.
Butun dunyoda va yurtimizda bo‘lib turgan pandemiya sharoitini inobatga olgan holda, press-tur qatnashuvchilarining xavfsizligini ta’minlash uchun barcha zarur bo‘lgan shart-sharoitlar ko‘rilganligini alohida ta’kidlab o‘tamiz.
Reklama huquqi asosida.
Izoh (0)