Тошкент шаҳрида 26 июнь куни АлоқаБанк ҳамкорлигида “Uzbekonomics” подкастининг навбатдаги сони бўлиб ўтди.
“Uzbekonomics” лойиҳаси 5 ёшга тўлаётгани муносабати билан, бу сон жонли эфирда ва томошабинлар иштирокида ёзилди. Лойиҳа асосчилари, иқтисодиёт фанлари доктори Ботир Қобилов ва Висконсин университети тадқиқотчиси, фан доктори Беҳзод Ҳошимов қатнашди.
Мазкур учрашув банкнинг инновацион технологик ютуқлари ва натижаларини акс этган тақдимот билан бошланди. Шунингдек, экскурсия давомида иштирокчилар банкнинг замонавий ёндашуви билан танишиб, янгиликлар ҳақида маълумот олди. Шундан сўнг, подкаст ёзилиши амалга оширилди, бу жараён иштирокчи томошабинлар учун катта қизиқиш уйғотди.
Жонли учрашув давомида томошабинлар молиявий саводхонлик масалалари кўтарилганини юқори баҳолади ва ёшлар ўзларини қизиқтирган саволларга жавоб топди. Подкаст якунида барча меҳмонлар ўзаро мулоқот қилиш имконияти билан биргаликда АлоқаБанк томонидан тақдим этилган ажойиб совғаларга эга бўлди. Энг яхши совға сифатида тақдим этилган китоб меҳмонлар учун муҳим билим манбаи бўлиб, молиявий саводхонлик ва иқтисодиёт бўйича қимматли маълумотларни ўз ичига олган.
АлоқаБанк ёшлар учун кўпроқ эътибор қаратиб, улар учун инновацион ва қизиқарли лойиҳаларни амалга оширмоқда. Банкнинг “Uzbekonomics” лойиҳасини қўллаб-қувватлаши ва бу каби ҳамкорлик лойиҳаларини амалга ошираётгани бунга яққол мисол бўла олади.
Ушбу подкаст ёшларнинг молиявий саводхонлигини ошириш ва уларни иқтисодиётга қизиқтириш мақсадида ташкил этилганлиги билан алоҳида аҳамиятга эга.
30 июнь – “Ёшлар куни” муносабати билан бу учрашув айниқса долзарб бўлди. АлоқаБанк ёшлар учун кўплаб имкониятлар яратиш ва уларнинг ривожланишига ҳисса қўшиш мақсадида бу каби тадбирларни мунтазам равишда ташкил этишни ўз олдига мақсад қилиб қўйган. Банк ёшларнинг келажаги учун муҳим бўлган лойиҳаларни қўллаб-қувватлашда давом этади!
Реклама ҳуқуқи асосида
Изоҳ (0)