Uzoq davom etgan koronavirus pandemiyasi davrida ba’zi odamlar hech qachon COVID 19 ga chalinmadi. Olimlar burundagi immun hujayralarining reaksiyasi va erta ogohlantiruvchi genning faolligi bunga sabab bo‘lganini aytmoqda. Ularning tadqiqoti haqida The Guardian xabar berdi.
Britaniyalik olimlar guruhi 2021-yil pandemiya avjida bo‘lgan davrda tajriba o‘tkazgan. COVIDga chalinmagan va emlanmagan 36 nafar sog‘lom katta yoshli ko‘ngillilarga burun orqali virusning past dozasi yuborilgan. 16 kishida qon va burun shilliq qavatidagi immun hujayralarining faolligi kuzatilgan. Natijada, ko‘ngillilar uch guruhga bo‘lingan:
- Olti kishida infeksiya qayd etilib, ular kasallikka chalingan;
- uch kishida koronavirusga topshirgan test natijalari vaqtinchalik ijobiy bo‘lgan;
- yettita testda salbiy natija kuzatilgan, ular rivojlangan immunitetga ega bo‘lgan.
Ikkinchi va uchinchi guruhdagi odamlarda, hatto COVID yuqitirilishidan oldin ham, HLA-DQA2 deb nomlangan genning yuqori faolligi qayd etilgan. Bu immunitet tizimiga xavf haqida signal beruvchi hujayralarda kuzatilgan.
Olimlar HLA-DQA2 faolligi yuqori bo‘lgan odamlar koronavirusga nisbatan samaraliroq immunitetga ega bo‘lishi mumkin degan xulosaga kelgan. Biroq, ularda mutlaq immunitet kuzatilmagan, sababli ayrim ko‘ngillilar tadqiqotdan keyin virusni yuqtirgan.
Izoh (0)