Rossiyada koronavirusning yangi FLiRT turi aniqlandi, unga chalinganlar soni 178 tani tashkil etadi. Bu haqda “Rospotrebnadzor”ga tayanib, “Vedomosti” xabar berdi.
FLiRT o‘z nomini genetik koddagi mutatsiyalar nomlaridan olgan, u omikronlar oilasiga mansub va butun dunyoda dominantga aylanishi kutilmoqda.
“Rossiyada butun monitoring davrida 178 ta yangi FLiRT varianti aniqlandi, jumladan KP.2 (3 ta holat), KP.1.1 (5 ta holat), KS.1 (170 ta holat). Ularning barchasi boshqa turlarga nisbatan kattaroq xavf tug‘dirmaydi”, — dedi u.
FLiRT variantidan kelib chiqqan infeksiyaning xarakterli belgilari: isitma, yo‘tal, tomoq og‘rig‘i, zaiflik, bosh og‘rig‘i, mushaklardagi og‘riq, ta’m yoki hid bilishni yo‘qotish.
FLiRT variantining tarqalishi tufayli AQSH Kasalliklarni nazorat qilish va oldini olish markazlari yozda Amerikada koronavirus bilan kasallanganlar soni ortishini prognoz qilmoqda. Mart oyining boshidan beri FLiRTning AQSHdagi jami koronavirus holatlaridagi ulushi 28,2 foizgacha ko‘tarilgan. Britaniyada u barcha koronavirus variantlarining 21 foizini tashkil etgan. Jahon sog‘liqni saqlash tashkiloti ma’lumotlariga ko‘ra, FLiRT jami 14 ta Yevropa davlatida va Isroilda aniqlangan.
Rossiyada so‘nggi 2,5 oy ichida birinchi marta COVID-19 bilan kasalxonaga yotqizilganlar soni ortdi. 13-maydan 19-maygacha bo‘lgan hafta davomida shifoxonalarga avvalgi haftaga nisbatan 34,6 foizga ko‘p – 2469 nafar bemor yotqizilgan. Rossiyada umumiy kasallanish darajasi ham o‘tgan haftaga nisbatan 14,7 foizga oshgan.
Izoh (0)