Isroilning G‘azodagi markaziy lagerga 8-iyun kuni uyushtirgan hujumi oqibatida kamida 210 kishi halok bo‘ldi. Bu haqda HAMAS ma’lumotiga tayanib, Al Arabia xabar berdi.
Yahudiy davlati hujum garovga olinganlarni qutqarish maqsadida amalga oshgani bildirdi. Operatsiya davomida garovga olingan 4 kishi qutqarib qolingan. Isroil garovdagilar HAMAS topshirig‘iga asosan G‘azodagi tinch aholi orasida yashirilganini aytmoqda.
“Isroilning Nuseyrat lageridagi qirg‘ini qurbonlari soni 210 nafarga yetdi va 400 dan ortiq yaralandi”, — deyiladi HAMAS idorasi bayonotida.
Isroil armiyasi kontr-admirali Daniel Hagari lagerga aviazarba berilgani, operatsiya davomida Isroil maxsus kuchlarining bir askari halok bo‘lganini aytdi.
To‘rt nafar garovga olinganlarning barchasi HAMASning 7-oktyabr kuni Isroil shaharlari va qishloqlariga o‘tkazgan reydi chog‘ida Nova musiqa festivalidan o‘g‘irlab ketilgan. Yahudiy davlari HAMAS reydida 1200 ga yaqin odam vafot etganini ma’lum qilgan. Isroilning G‘azoga bostirib kirishi oqibatida qurbonlar soni 37 mingdan oshdi. HAMAS 7-oktyabr kuni 250 ga yaqin odamni garovga olgandi. Isroil ma’lumotlariga ko‘ra, G‘azoda hozirda garovga olingan 116 kishi qolgan, ulardan kamida 40 nafarini Isroil hukumati o‘lik deb e’lon qilgan.
Izoh (0)