Исроилнинг Ғазодаги марказий лагерга 8 июнь куни уюштирган ҳужуми оқибатида камида 210 киши ҳалок бўлди. Бу ҳақда ҲАМАС маълумотига таяниб, Аl Arabia хабар берди.
Яҳудий давлати ҳужум гаровга олинганларни қутқариш мақсадида амалга ошгани билдирди. Операция давомида гаровга олинган 4 киши қутқариб қолинган. Исроил гаровдагилар ҲАМАС топшириғига асосан Ғазодаги тинч аҳоли орасида яширилганини айтмоқда.
“Исроилнинг Нусейрат лагеридаги қирғини қурбонлари сони 210 нафарга етди ва 400 дан ортиқ яраланди”, — дейилади ҲАМАС идораси баёнотида.
Исроил армияси контр-адмирали Даниэль Ҳагари лагерга авиазарба берилгани, операция давомида Исроил махсус кучларининг бир аскари ҳалок бўлганини айтди.
Тўрт нафар гаровга олинганларнинг барчаси ҲАМАСнинг 7 октябрь куни Исроил шаҳарлари ва қишлоқларига ўтказган рейди чоғида Novа мусиқа фестивалидан ўғирлаб кетилган. Яҳудий давлари ҲАМАС рейдида 1200 га яқин одам вафот этганини маълум қилган. Исроилнинг Ғазога бостириб кириши оқибатида қурбонлар сони 37 мингдан ошди. ҲАМАС 7 октябрь куни 250 га яқин одамни гаровга олганди. Исроил маълумотларига кўра, Ғазода ҳозирда гаровга олинган 116 киши қолган, улардан камида 40 нафарини Исроил ҳукумати ўлик деб эълон қилган.
Изоҳ (0)