Shimoliy Koreya Seulga chiqindi sharlarini uchirishni to‘xtatmoqchi

Shimoliy Koreya hukumati Janubiy Koreyaga chegara orqali chiqindi sharlari uchirishni vaqtincha to‘xtatadi.

Biz qog‘oz chiqindisini chet elda tarqatish faoliyatini to‘xtatamiz, — deyiladi Koreya markaziy axborot agentligining rasmiy bayonotida.

Pxenyan so‘nggi kunlarda Seul tomon yuborgan yuzlab sigaret qoldiqlari, maishiy chiqindilar va plastmassa osilgan qoplardan iborat “samimiy sovg‘alar”ni to‘liq qarshi chora deb atagan edi.

Agar Janubiy Koreya Pxenyanga KXDRga qarshi varaqalar yuborsa, hukumat bu harakatni qaytadan boshlaydi, — deyiladi xabarda.

31-maydan 1-iyungacha bo‘lgan vaqt davomida Janubiy Koreya harbiylari o‘z hududida axlat ortilgan havo sharlari topilgani haqida xabar bergan. 28 — 29-may kunlari KXDR janubiy chegara orqali 260 ga yaqin xuddi shunday havo sharlari uchirgan.

Bunga javoban Seul chegara yaqinida o‘rnatilgan ovoz kuchaytirgichlardan saylovoldi tashviqoti xabarlarini qayta boshlashni istisno qilmagan.