Hindistonda so‘nggi uch oy ichida jazirama to‘lqinlar tufayli kamida 56 kishi vafot etdi. Bu haqda The Hindustan Times xabar berdi.
Eng ko‘p o‘lim may oyida qayd etilgan, jumladan, 46 kishi vafot etgan. Qurbonlar soni bo‘yicha Hindistonning markaziy qismidagi Madxya-Pradesh shtati yuqori o‘rinni egallamoqda. Shtatda haroratning keskin isishi ortidan 14 kishi, Maxarashtra shtatida esa 11 kishi halok bo‘lgan. Andhra-Pradesh va Rajastanda ham anomal issiqlik tufayli o‘lim holatlari qayd etilgan.
Mart oyidan buyon 24,8 ming kishi issiqlik urishi belgilari bilan shifoxonalarga yotqizilgan, ulardan 19,2 ming nafari may oyida qayd etilgan.
Avvalroq Dehlida harorat 52,9 darajaga ko‘tarilib, rekord o‘rnatgandi, shuningdek, bir sutka ichida jaziramadan 20 kishi vafot etgandi. O‘shanda qurbonlarning yarmi Odisha shtatiga to‘g‘ri kelgan.
Izoh (0)