Шимолий Корея Сеулга чиқинди шарларини учиришни тўхтатмоқчи

Шимолий Корея ҳукумати Жанубий Кореяга чегара орқали чиқинди шарлари учиришни вақтинча тўхтатади.

Биз қоғоз чиқиндисини чет элда тарқатиш фаолиятини тўхтатамиз, — дейилади Корея марказий ахборот агентлигининг расмий баёнотида.

Пхеньян сўнгги кунларда Сеул томон юборган юзлаб сигарет қолдиқлари, маиший чиқиндилар ва пластмасса осилган қоплардан иборат “самимий совғалар”ни тўлиқ қарши чора деб атаган эди.

Агар Жанубий Корея Пхеньянга КХДРга қарши варақалар юборса, ҳукумат бу ҳаракатни қайтадан бошлайди, — дейилади хабарда.

31 майдан 1 июнгача бўлган вақт давомида Жанубий Корея ҳарбийлари ўз ҳудудида ахлат ортилган ҳаво шарлари топилгани ҳақида хабар берган. 28 — 29 май кунлари КХДР жанубий чегара орқали 260 га яқин худди шундай ҳаво шарлари учирган.

Бунга жавобан Сеул чегара яқинида ўрнатилган овоз кучайтиргичлардан сайловолди ташвиқоти хабарларини қайта бошлашни истисно қилмаган.