Toshkent shahar Yakkasaroy tumanida soliqni to‘lamagani uchun tashkilotga tegishli Malibu auksionda sotib yuborildi. Bu haqda MIB axborot xizmati “Daryo”ga xabar berdi.
Maʼlum qilinishicha, Majburiy ijro byurosining Yakkasaroy tuman bo‘limi ish yurituvida Toshkent shahar Soliq boshqarmasining qaroriga asosan qarzdor S.C.W. korxonasidan jami 57 844 397 so‘m soliq qarzdorligini undirish belgilangan.
Mazkur ijro hujjati bo‘yicha qarzdor tashkilot rahbari davlat ijrochisi tomonidan bir necha marotaba ogohlantirilishiga qaramay, soliq qarzdorligini o‘z vaqtida to‘lamay kelgan. Davlat ijrochisi tomonidan olib borilgan majburiy ijro harakatlari natijasida qarzdor tashkilotga tegishli Malibu xatlangan va baholanib, elektron auksion savdosiga qo‘yilgan.
Auksion savdosida avtotransport vositasi 299 000 000 so‘mga sotilib, bo‘lim ish yurituvidagi ijro hujjati to‘liq qoplandi.
Izoh (0)