Farg‘ona viloyati Qo‘qon shahrida kelin erining uyidan seplarini MIB orqali undirib oldi. Bu haqda byuro axborot xizmati “Daryo”ga xabar berdi.
Unga ko‘ra, Majburiy ijro byurosi Qo‘qon shahar bo‘limi ish yurituvida fuqarolik ishlari bo‘yicha Qo‘qon tumanlararo sudining 2023-yildagi ijro varaqasiga asosan javobgar D.M. tomonidan da’vogar N.S. foydasiga 7 turdagi mulklarni olish belgilangan.
Javobgarga bir necha marotaba ogohlantirish berilgan bo‘lsa-da, sud qarorini ixtiyoriy bajarmagani sababli majburiy ijro harakatlari davlat ijrochilari tomonidan olib borildi.
Natijada majburiy ijro harakatlari davomida da’vogarning mulklari davlat ijrochilari tomonidan olib berildi. Shuningdek, ijro hujjati “Sud hujjatlari va boshqa organ hujjatlarini ijro etish to‘g‘risida”gi qonunning 41-moddasiga asosan amalda tamomlandi.
Izoh (0)