Тошкент шаҳар Яккасарой туманида солиқни тўламагани учун ташкилотга тегишли Malibu аукционда сотиб юборилди. Бу ҳақда МИБ ахборот хизмати “Дарё”га хабар берди.
Маълум қилинишича, Мажбурий ижро бюросининг Яккасарой туман бўлими иш юритувида Тошкент шаҳар Солиқ бошқармасининг қарорига асосан қарздор S.C.W. корхонасидан жами 57 844 397 сўм солиқ қарздорлигини ундириш белгиланган.
Мазкур ижро ҳужжати бўйича қарздор ташкилот раҳбари давлат ижрочиси томонидан бир неча маротаба огоҳлантирилишига қарамай, солиқ қарздорлигини ўз вақтида тўламай келган. Давлат ижрочиси томонидан олиб борилган мажбурий ижро ҳаракатлари натижасида қарздор ташкилотга тегишли Malibu хатланган ва баҳоланиб, электрон аукцион савдосига қўйилган.
Аукцион савдосида автотранспорт воситаси 299 000 000 сўмга сотилиб, бўлим иш юритувидаги ижро ҳужжати тўлиқ қопланди.
Изоҳ (0)