Toshkentda qarzdorning Trailblazer’i xatlandi

Toshkent shahar Sergeli tumanida qarzdorning Trailblazer’i xatlandi. Bu haqda MIB “Daryo”ga xabar berdi. 

Unga ko‘ra, Majburiy ijro byurosining Sergeli tuman bo‘limi ish yurituvida qarzdor "G.L.C." MCHJdan undiruvchi davlat byudjeti foydasiga soliq qarzdorliklarini undirish bilan bog‘liq 27 ta 1 milliard 871 million 914  ming so‘mlik ijro ishlari mavjud.

Mazkur ijro ishlari bo‘yicha qarzdor korxonaga byudjet oldidagi mavjud qarzdorliklarini to‘lash borasida 15 kunlik ixtiyoriy muddat berilgan. Biroq, qarzdor korxonaning mansabdor shaxslari davlat ijrochisining qonuniy talablarini bajarmagan.

Oqibatda, byuroning tuman bo‘limi davlat ijrochisi tomonidan majburiy ijro harakatlariga kirishilib, qarzdorga tegishli bo‘lgan Trailblazer avtotransport vositasi mavjudligi aniqangan va undiruv mazkur avtotransport vositasiga qaratilgan. Lekin qarzdor Trailblazerni davlat ijrochisiga dalolatnoma asosida   topshirishga qarshilik qilgan.  

Toshkent shahar IIBB YHXB xodimlari bilan hamkorlikda olib borilgan qidiruv ijro harakatlari natijasida qarzdorga tegishli bo‘lgan mashina yo‘llarda harakat paytida ushlanib, keyingi ijro harakatlarini amalga oshirish maqsadida avtotransport vositasi xatlangan. Vaqtincha saqlash uchun jarima maydonchasiga joylashtirilgan. 

Hozirda avtotransport elektron-onlayn auksion savdolariga chiqarish choralari ko‘rilmoqda.