Toshkent viloyati Bekobod shahrida aksiz markasiz tamaki mahsulotlari muomalaga kiritilishining oldi olindi. Bu haqda Prokuratura departamenti xabar berdi.
Unga ko‘ra, holat Bosh prokuratura huzuridagi departamentning Bekobod shahar bo‘limi tomonidan IIB xodimlari bilan hamkorlikda o‘tkazilgan tezkor tadbirda aniqlangan. “M.Y.” MCHJ rahbari Y.M. savdo do‘konida fuqaro A.A.ga aksiz markasiz jami 4 500 quti “Milano” va “Oris” nomli xorijda ishlab chiqarilgan tamaki mahsulotlarini 3 500 AQSH dollariga sotgan vaqtida ushlangan.
Ushbu do‘kondan jami 5 910 quti aksiz markasiz tamaki mahsulotlari ashyoviy dalil sifatida olingan.
Mazkur holat yuzasidan Jinoyat kodeksining 186-1-moddasi (etil spirti, alkogolli mahsulot va tamaki mahsulotini qonunga xilof ravishda ishlab chiqarish yoki muomalaga kiritish) bilan jinoyat ishi qo‘zg‘atilib, tergov harakatlari o‘tkazilmoqda.
Izoh (0)