Janubiy Afrika politsiyasi umumiy saylov davrida 58 kishini hibsga oldi. Bu haqda NatJOINTS tezkor razvedka tuzilmasiga tayanib, “TASS” xabar berdi.
Shu bilan birga, 29-may kuni bo‘lib o‘tgan saylov bilan bog‘liq jinoyatlar bo‘yicha 98 ta ish ochildi, — deya taʼkidlagan boshqarma.
Hibsga olishlar zo‘ravonlik, qo‘rqitish, irodani ifoda etish to‘g‘risidagi qonun hujjatlarini buzish, jumladan, saylovchilar tomonidan to‘ldirilgan byulletenlarni chop etish asosida amalga oshirilgan.
JARning Mustaqil Saylov Komissiyasi (IEC) ovozlarni sanashda davom etmoqda. Saylov uchastkalarining 34,5 foizidan kelib tushgan byulletenlar qayta ishlangan. Hukmron Afrika milliy kongressi partiyasi 42,3 foiz ovoz bilan yetakchilik qilmoqda.
Saylovda 70 partiya va bir guruh mustaqil nomzodlar ishtirok etgan. Ularning natijalariga ko‘ra Milliy assambleyaning (parlament quyi palatasi) yangi tarkibi tuziladi, u esa respublika prezidentini saylaydi. Hukmron Afrika milliy kongressi o‘z nomzodi sifatida amaldagi davlat rahbari Siril Ramafosani ko‘rsatgan.
Izoh (0)