Жанубий Африкада сайлов вақтида 58 киши ҳибсга олинди

Жанубий Африка полицияси умумий сайлов даврида 58 кишини ҳибсга олди. Бу ҳақда NatJOINTS тезкор разведка тузилмасига таяниб, “ТАСС” хабар берди.

Шу билан бирга, 29 май куни бўлиб ўтган сайлов билан боғлиқ жиноятлар бўйича 98 та иш очилди, — дея таъкидлаган бошқарма.

Ҳибсга олишлар зўравонлик, қўрқитиш, иродани ифода этиш тўғрисидаги қонун ҳужжатларини бузиш, жумладан, сайловчилар томонидан тўлдирилган бюллетенларни чоп этиш асосида амалга оширилган.

ЖАРнинг Мустақил Сайлов Комиссияси (IEC) овозларни санашда давом этмоқда. Сайлов участкаларининг 34,5 фоизидан келиб тушган бюллетенлар қайта ишланган. Ҳукмрон Африка миллий конгресси партияси 42,3 фоиз овоз билан етакчилик қилмоқда. 

Сайловда 70 партия ва бир гуруҳ мустақил номзодлар иштирок этган. Уларнинг натижаларига кўра Миллий ассамблеянинг (парламент қуйи палатаси) янги таркиби тузилади, у эса республика президентини сайлайди. Ҳукмрон Африка миллий конгресси ўз номзоди сифатида амалдаги давлат раҳбари Сирил Рамафосани кўрсатган.