Samarqand shahrida qo‘pol qoidabuzarlik sodir etgan haydovchilar javobgarlikka tortildi. Bu haqda Samarqand viloyati IIB Yo‘l harakati xavfsizligi boshqarmasi xabar berdi.
Ijtimoiy tarmoqlarda Lacetti va Nexia transport vositalari tunda shahar markazida drift qilgani tasvirlangan video tarqaldi.
Qayd etilishicha, mazkur holat Samarqand shahar “Alisher Navoiy” MFY hududidan o‘tuvchi “Talabalar xiyoboni”da yuz bergan — haydovchilar tezlikni me’yoridan oshirib, qo‘pol qoidabuzarlik sodir etgan.
Holat yuzasidan YPX xodimlari tomonidan olib borilgan surishtiruv ishlari natijasida qoidabuzar haydovchilar aniqlangan. Ularga nisbatan ma’muriy bayonnomalar rasmiylashtirilgan.
Eslatib o‘tamiz, Samarqand shahrida 31-dekabrdan 1-yanvarga o‘tar kechasi Mercedes-Benz’da drift qilgan haydovchi javobgarlikka tortilgan edi. Undan oldin esa Nukusda raqamsiz harakatlanib, drift qilgan “Shumaxer” topilgandi.
Izoh (0)