Qashqadaryo viloyati Shahrisabz shahrida Tahoe avtomobilida drift qilgan shaxs javobgarlikka tortildi. Bu haqda viloyat IIB YHXB axborot xizmati xabar berdi.
Qayd etilishicha, 11-avgust kuni Shahrisabz shahar markaziy ko‘chalaridan biri hisoblangan Ipak yo‘li ko‘chasi chorrahasida Tahoe transport vositasi turli xavfli manyovrlar bilan boshqa avtomobillarning harakatlanishiga xalaqit bergan.
Tezkor tadbir davomida drift uyushtirgan mashina egasi topilib, transport vositasi jarima maydonchasiga joylashtirilgan.
“Qarindoshimning mashinasini olib, chorrahada qiziqish sabab chorrahada aylandim. Qilgan ishimdan afsusdaman”, — deydi haydovchi.
Holat yuzasidan ish jinoyat ishlari bo‘yicha Shahrisabz shahar sudi tomonida ko‘rib chiqilgan va haydovchiga jarima hamda 7 sutka ma’muriy qamoq jazosi tayinlandi.
Samarqand shahrida 31-dekabrdan 1-yanvarga o‘tar kechasi Mercedes-Benz’da drift qilgan haydovchisi javobgarlikka tortilgan edi. Undan oldin esa Nukusda raqamsiz harakatlanib, drift qilgan “shumaxer” topilgandi.
Izoh (0)