Eron prezidenti Ibrohim Raisiy bo‘lgan vertolyot 19-may kuni halokatga uchragandi. O‘zbekiston bu xabarni chuqur tashvish bilan qabul qildi, deb xabar berdi TIV matbuot xizmati.
“O‘zbekiston Respublikasi Tashqi ishlar vazirligi vertolyot yo‘lovchilari, jumladan, Eronning yuqori martabali vakillari taqdiri haqidagi ma’lumotlarni diqqat bilan kuzatib bormoqda”, — deyiladi xabarda.
Vazirlik O‘zbekiston tomoni zarurat bo‘lishi bilan eronliklarga barcha yordam ko‘rsatilishiga to‘liq tayyorligini bildirdi.
Eron prezidenti Ibrohim Raisiy bo‘lgan vertolyot 19-may kuni Eron-Ozarbayjon chegarasi yaqinidagi Verzegan shahri yaqinidagi tog‘li hududga “qattiq qo‘ngandi”. Bortda prezidentdan tashqari Eron tashqi ishlar vaziri Amir Abdullahyon va Sharqiy Ozarbayjon gubernatori Oyatulloh al-Hoshim bo‘lgan.
20-may kuni qutqaruvchilar vertolyot halokatga uchragan joyni aniqladi. Eron rasmiysi Reuters agentligiga vertolyot qattiq qo‘nish chog‘ida butunlay yonib ketganini ma’lum qildi.
Izoh (0)