Эрон президенти Иброҳим Раисий бўлган вертолёт 19 май куни ҳалокатга учраганди. Ўзбекистон бу хабарни чуқур ташвиш билан қабул қилди, деб хабар берди ТИВ матбуот хизмати.
“Ўзбекистон Республикаси Ташқи ишлар вазирлиги вертолёт йўловчилари, жумладан, Эроннинг юқори мартабали вакиллари тақдири ҳақидаги маълумотларни диққат билан кузатиб бормоқда”, — дейилади хабарда.
Вазирлик Ўзбекистон томони зарурат бўлиши билан эронликларга барча ёрдам кўрсатилишига тўлиқ тайёрлигини билдирди.
Эрон президенти Иброҳим Раисий бўлган вертолёт 19 май куни Эрон-Озарбайжон чегараси яқинидаги Верзеган шаҳри яқинидаги тоғли ҳудудга “қаттиқ қўнганди”. Бортда президентдан ташқари Эрон ташқи ишлар вазири Амир Абдуллаҳён ва Шарқий Озарбайжон губернатори Оятуллоҳ ал-Ҳошим бўлган.
20 май куни қутқарувчилар вертолёт ҳалокатга учраган жойни аниқлади. Эрон расмийси Reuters агентлигига вертолёт қаттиқ қўниш чоғида бутунлай ёниб кетганини маълум қилди.
Изоҳ (0)