O‘zbekistonliklar Uzum Tezkor’ni “Yetkazib berish xizmatlari” orasida yil brendi deb atashdi

Uzum Tezkor servisi “Yetkazib berish xizmatlari” va “Boshqa brendlar” nominatsiyalarida yetakchi o‘rinni egalladi.

Har yili “Yil brendi” mukofoti mamlakatning eng muvaffaqiyatli brendlari va samarali marketing kampaniyalarini eʼtirof etadi, g‘oliblarni tanlashda nafaqat ekspertlar hayʼati, balki isteʼmolchilarning o‘zi ham ishtirok etadi.
Uzum Tezkor kafe, restoran va do‘konlardan tez yetkazib berish servisi “Yetkazib berish” nominatsiyasida ochiq ovoz berishda Yandex Eats va Express24 ni ortda qoldirib, yetakchiga aylandi, shuningdek, “Boshqa brendlar” nominatsiyasida tomoshabinlar va ekspertlar mukofotlarini qo‘lga kiritdi.

— Biz mukofotning eng yosh ishtirokchilaridan birimizmiz — Uzum Tezkor roppa-rosa bir yil oldin ishga tushirilgan va “Yil brendi” mukofoti biz uchun birinchi va eng muhim mukofotlardan biri hisoblanadi. 7 mingga yaqin o‘zbekistonliklar biz uchun o‘z ovozlarini berishdi — bu foydalanuvchilar servisga ishonishlari va biz yaratayotgan brenga mehr qo‘yishganining eng yaxshi dalilidir, — deydi Uzum Tezkor servisining brend direktori Anastasiya Kosoplecheva.

Bugungi kunda Uzum Tezkordan yetkazib berish bilan mamlakatning 7 shahrida 1000 dan ortiq kafe, restoran va do‘konlardan oziq-ovqat va tovarlarga buyurtma berish mumkin. O‘rtacha Uzum Tezkor kuryerlari buyurtmalarni 30 daqiqada olib kelishadi. Yetkazib berish tezligini taʼminlash uchun Uzum Tezkor kuryerlar marshrutlarini optimallashtirish uchun aqlli algoritmlar qo‘llaydi, shuningdek, restoranlarda jarayonlarni boshqarish xizmatlari bilan integratsiya qilinadi, shu tufayli buyurtma darhol kafe yoki restoran oshxonasiga yuboriladi.