2023-yil boshida Rossiyaga qarshi kiritilgan neft embargosiga qaramay, Rossiya nefti Turkiya belgisi ostida Yevropa Ittifoqiga kirishda davom etmoqda. Bu haqda tegishli ma’lumotlarga tayanib, Politico xabar berdi.
Rossiya—Ukraina urushi tufayli kiritilgan taqiqlardan so‘ng, 2023-yilning fevral oyida Yevropa Ittifoqiga neftni Turkiyaning uchta porti orqali eksport qilib, 12 oy ichida Moskva 3 milliard yevrogacha mablag‘ olgan.
Bu sxema Yevropa Ittifoqi agar “ruslarga tegishli emas” deya belgilangan bo‘lsa hali ham “aralash” yoqilg‘i importiga ruxsat berishi mumkin, — deya ta’kidlaydi nashr.
Turkiyaning Rossiyadan neft importi va Yevropa Ittifoqiga eksporti yil davomida keskin oshgan.
Tadqiqotga ko‘ra, 2023-yilning fevral oyidan boshlab Turkiya Rossiyadan yoqilg‘i xaridini avvalgi 12 oyga nisbatan 105 foizga oshirgan. Xuddi shu davrda Turkiyaning Yevropa Ittifoqiga yoqilg‘i eksporti 107 foizga oshgan.
Politico Turkiyadan Yevropa Ittifoqiga kelayotgan barcha yoqilg‘i Rossiyaga tegishli ekanini anglatmasligini, Turkiyaning o‘zida yirik neftni qayta ishlash zavodlari mavjudligiga urg‘u bergan.
Ammo Turkiya portlarining geografik joylashuvi hamda eksport-import ma’lumotlari Rossiya yoqilg‘isining katta hajmda qayta qadoqlanayotgani va o‘tkazilayotganidan dalolat beradi, — deb hisoblaydi Politico jurnalistlari.
Demokratiyani o‘rganish markazining energetika bo‘yicha katta tahlilchisi Martin Vladimirov Rossiyaning Turkiya orqali YIga yo‘naltirilgan yoqilg‘i mahsulotlari Kreml harbiy byudjetiga yuz millionlab soliq tushumlarini keltirganini ta’kidlagan.
Izoh (0)