Buyuk Britaniya o‘z sanksiyalariga qaramay, Rossiyadan 2,2 mlrd funt sterlingga neft sotib oldi — The Guardian

Buyuk Britaniya o‘z sanksiyalarini chetlab o‘tib, Rossiyadan qayta ishlangan neftni rekord miqdorda xarid qilmoqda, deb yozadi The Guardian hukumat ma’lumotlariga tayanib.

Nashrning taʼkidlashicha, Buyuk Britaniya qonundagi “darcha” tufayli neft sotib olishda davom etmoqda, chunki agar Rossiya nefti boshqa davlatda qayta ishlansa, u texnik nuqtayi nazardan endi Rossiyaniki hisoblanmaydi. Misol uchun, nashr “Desmog” yangiliklar saytining tahliliga tayanib, Hindiston, Xitoy va Turkiyadan qayta ishlangan neft importi 2023-yilda 2,2 milliard funt sterlingni tashkil etganini, bu o‘tgan yil uchun rekord ko‘rsatkich bo‘lganini ta’kidlaydi.

Global Witness tashkiloti (tabiiy resurslarni qazib oluvchi davlatlar tomonidan inson huquqlari buzilishiga qarshi kurashuvchi tashkilot) har yigirmanchi aviareys Rossiya yonilg‘isi yordamida amalga oshirilishini ta’kidlaydi. Tashkilot Rossiya Federatsiyasidan tashqarida tayyorlanadigan yonilg‘i sanksiyalarga uchramasligini ta’kidlaydi. Global Witness buni “pul yuvish” deb atadi.

“Rossiya neftidan tayyorlangan millionlab barrel yonilg‘i Buyuk Britaniyaga oqib kelishda davom etmoqda. Birgina o‘tgan yilning o‘zida bu kelishuv Kremlga 100 million funt sterlingdan ko‘proq daromad keltirdi”, — dedi Global Witness katta tergovchisi Lela Stenli.

Aprel oyida Hindiston Rossiya nefti importini oyiga 19 foizga oshirib, kuniga 1,96 million barrelga yetkazdi. Bu ko‘rsatkich to‘qqiz oy ichida eng yuqori ko‘rsatkich bo‘ldi.