G‘azo sektoridagi Ash-Shifa kasalxonasi hududida 8-may kuni aniqlangan ommaviy qabrlardan boshsiz jasadlar topilgan. Bu haqda Anadolu nashri xabar berdi.
Manbada aytilishicha, Ash-Shifa kasalxonasidagi so‘nggi aniqlangan ommaviy qabrdan hozirga qadar 49 nafar falastinlikning jasadi chiqarib olingan. Rasmiylar jasadlarning ko‘pchiligi chiriy boshlaganini xabar qilgan.
G‘azo hukumati matbuot xizmati boshsiz jasadlar topilganini tasdiqlagan. Ushbu so‘nggi topilgan jasadlar harbiy operatsiya davomida Isroil harbiylari tomonidan falastinliklarga nisbatan g‘ayriinsoniy qiynoq va o‘lim usullari qo‘llanganini tasdiqlaydi.
Ommaviy qabrlar Ash-Shifa kasalxonasidan tashqari, Nosir va Kamol Advan kasalxonalaridan ham topilgan. Hozirga qadar ommaviy qabrlardan chiqarib olingan jasadlar umumiy soni 520 taga yetgani aytilgan.
So‘nggi 24 soat ichida Isroil G‘azo janubi bo‘ylab hujumlarni faol davom ettirayotgani xabar qilingan. Buning ortidan tinch aholi orasida qurbonlar ko‘payayotgani bildirilgan.
Izoh (0)