Ғазо секторидаги Аш-Шифа касалхонаси ҳудудида 8 май куни аниқланган оммавий қабрлардан бошсиз жасадлар топилган. Бу ҳақда Anadolu нашри хабар берди.
Манбада айтилишича, Аш-Шифа касалхонасидаги сўнгги аниқланган оммавий қабрдан ҳозирга қадар 49 нафар фаластинликнинг жасади чиқариб олинган. Расмийлар жасадларнинг кўпчилиги чирий бошлаганини хабар қилган.
Ғазо ҳукумати матбуот хизмати бошсиз жасадлар топилганини тасдиқлаган. Ушбу сўнгги топилган жасадлар ҳарбий операция давомида Исроил ҳарбийлари томонидан фаластинликларга нисбатан ғайриинсоний қийноқ ва ўлим усуллари қўлланганини тасдиқлайди.
Оммавий қабрлар Аш-Шифа касалхонасидан ташқари, Носир ва Камол Адван касалхоналаридан ҳам топилган. Ҳозирга қадар оммавий қабрлардан чиқариб олинган жасадлар умумий сони 520 тага етгани айтилган.
Сўнгги 24 соат ичида Исроил Ғазо жануби бўйлаб ҳужумларни фаол давом эттираётгани хабар қилинган. Бунинг ортидан тинч аҳоли орасида қурбонлар кўпаяётгани билдирилган.
Изоҳ (0)