G‘azodagi ko‘plab falastinlik oilalar kuniga bir mahal ovqat bilan kifoyalanishga, haftalar davomida sabzavot yemaslikka va bir kishilik taomni bir nechta odam o‘rtasida bo‘lashishga majbur, deya Euronews xabar berdi.
Urush boshlanganiga deyarli yetti oy bo‘lmoqda. U yerga kelayotgan yordam yuk mashinalari soni esa keskin kamaygan.
Isroil tomonidan oziq-ovqat ta’minotiga qo‘yilgan qattiq cheklovlar fonida anklavning shimoliy qismida eng qiyin vaziyat yuzaga kelgan. BMT Jahon oziq-ovqat dasturi rahbari Sindi Makkeyn “to‘liq miqyosli ocharchilik” kuzatilayotgani hamda u janubni ham qamrab olayotganini aytgan.
2,3 million aholi istiqomat qilayotgan hududda gumanitar falokatni to‘xtatish uchun urushni to‘xtatish, G‘azoga quruqlik va dengiz yo‘llari orqali yetib boruvchi gumanitar yordam hajmini oshirish zarur, — dedi u.
Gumanitar yordamni Isroil nazorat punkti orqali quruqlikdan yetkazib berish yo‘lga qo‘yilganiga bir necha bor ishontirgan. 5-aprel kuni asosiy o‘tkazish punkti “Kerem Shalom” HAMAS jangchilarining hujumidan keyin yopilgan.
AQSH Xalqaro taraqqiyot agentligiga ko‘ra, yordam G‘azo shimoliga mart oyidan beri yetib kelmagan.
Izoh (0)