Amerikaliklarning 60 foizdan ortig‘i AQSH prezidentining iqtisodiy islohotlaridan norozi bo‘lmoqda

Amerikaliklarning prezident iqtisodiy siyosati to‘g‘riligiga ishonchi 2001-yildan beri eng past darajaga tushdi.

Bu haqda Gallup sotsiologik xizmati tomonidan o‘tkazilgan tadqiqot natijalari dalolat bermoqda.

So‘rov shuni ko‘rsatdiki, amerikaliklarning atigi 38 foizi Jo Baydenning mamlakat iqtisodiyoti uchun qilayotgan ishlaridan ko‘ngli to‘q. Shu bilan birga, respondentlarning 46 foizi sobiq prezident Donald Tramp haqida ham xuddi shunday fikr bildirgan.

So‘rovda qatnashgan amerikaliklarning 38 foizi demokratlarni, 36 foizi esa respublikachilarni qo‘llab-quvvatlashini ma’lum qilgan. AQSH Federal zaxira tizimi (FRS) Boshqaruvchilar kengashi rahbari Jerom Pauell  faoliyatini ma’qullash darajasi ham past (39 foiz) bo‘lib chiqdi.

Shu bilan birga, tadqiqot mualliflarining qayd etishicha, Demokratik partiya a’zosi bo‘lgan respondentlar an’anaviy tarzda Bayden va demokratlarning iqtisodiy kursini ma’qullaydi, respublikachilar esa Tramp va o‘z partiyasidan boshqa siyosatchilarni qo‘llab-quvvatlaydi. So‘rovda qatnashgan partiyasiz amerikaliklarning aksariyati esa Trampni qo‘llab-quvvatlashga moyil.

Baydenning iqtisodiy islohotlari reytingi bo‘lajak AQSH saylovlari kontekstida juda muhim bo‘lishi mumkin, chunki uning iqtisodiy siyosatini qo‘llab-quvvatlash rekord darajada pasayganidan tashqari, partiyasiz amerikaliklar uning raqibi Trampga ko‘proq ishonishini bildirgan.