Америкаликларнинг президент иқтисодий сиёсати тўғрилигига ишончи 2001 йилдан бери энг паст даражага тушди.
Бу ҳақда Gallup социологик хизмати томонидан ўтказилган тадқиқот натижалари далолат бермоқда.
Сўров шуни кўрсатдики, америкаликларнинг атиги 38 фоизи Жо Байденнинг мамлакат иқтисодиёти учун қилаётган ишларидан кўнгли тўқ. Шу билан бирга, респондентларнинг 46 фоизи собиқ президент Дональд Трамп ҳақида ҳам худди шундай фикр билдирган.
Сўровда қатнашган америкаликларнинг 38 фоизи демократларни, 36 фоизи эса республикачиларни қўллаб-қувватлашини маълум қилган. АҚШ Федерал захира тизими (FRS) Бошқарувчилар кенгаши раҳбари Жером Пауэлл фаолиятини маъқуллаш даражаси ҳам паст (39 фоиз) бўлиб чиқди.
Шу билан бирга, тадқиқот муаллифларининг қайд этишича, Демократик партия аъзоси бўлган респондентлар анъанавий тарзда Байден ва демократларнинг иқтисодий курсини маъқуллайди, республикачилар эса Трамп ва ўз партиясидан бошқа сиёсатчиларни қўллаб-қувватлайди. Сўровда қатнашган партиясиз америкаликларнинг аксарияти эса Трампни қўллаб-қувватлашга мойил.
Байденнинг иқтисодий ислоҳотлари рейтинги бўлажак АҚШ сайловлари контекстида жуда муҳим бўлиши мумкин, чунки унинг иқтисодий сиёсатини қўллаб-қувватлаш рекорд даражада пасайганидан ташқари, партиясиз америкаликлар унинг рақиби Трампга кўпроқ ишонишини билдирган.
Изоҳ (0)