Venesuela prezidenti Nikolas Maduro Vladimir Putinning Rossiya prezidenti lavozimiga kutilayotgan inauguratsiyasini sharhlar ekan, uni zamonaviy Rossiyani yangi super davlat darajasiga olib chiqqan eng buyuk jahon yetakchilaridan biri deb atadi, deya “RIA Novosti” xabar berdi.
7-may kuni Rossiya prezidenti qasamyod qiladi va rasman davlat rahbari lavozimiga kirishadi.
Vladimir Putin — bu dunyoning eng buyuk rahbarlaridan biri, u Rossiyani 1991-yildagi parchalanish va buyuk to‘qnashuvdan keyin yangi super kuchlardan biriga aylantirgan. U mamlakatni iqtisodiy, ijtimoiy, texnologik va harbiy taraqqiyotning eng yuqori pog‘onasiga olib chiqdi, — dedi Maduro “Maduro bilan+” dasturida.
Maduroning so‘zlariga ko‘ra, so‘nggi saylovlardagi g‘alaba Rossiya xalqi Putin tarafida ekanidan dalolat beradi.
Prezident Putin, xalqimiz sizni yaxshi ko‘radi, sizni qo‘llab-quvvatlaydi va hurmat qiladi, — deya qo‘shimcha qilgan Venesuela prezidenti.
Izoh (0)