“Angarlik manyak”: Rossiyada 80 dan ortiq ayolni o‘ldirgan mahbus Ukrainadagi urushga bormoqchi
Rossiyada 81 nafar ayolni o‘ldirgan, “angarlik manyak” nomi bilan tanilgan Mixail Popkov Ukrainadagi urush zonasiga bormoqchiligini aytdi. Bu haqda “Ura.ru” xabar berdi.
U “Vesti Irkutsk” gazetasiga yozgan sharhida “armiyaga borishni orzu qilishini” aytgan. Shu bilan birga, Popkov qishda sovuqda urushga borishni xohlamasligini bildirgan.
“Orzum — armiyaga borish. Bunga shubha qilmasligim mumkin, chunki amalga oshishi imkoni bor. Lekin hech kim menga urushga yollanish bo‘yicha taklif bermadi. Kamida 10 yildan beri qamoqdaman, urushda qatnashish uchun kerakli bo‘lgan ko‘nikmalarni tez o‘rganish unchalik qiyin bo‘lmaydi. Agar menda shunday istak bor desam, bu samimiy eshitilmaydi. Sababi bu kompyuter o‘yinchog‘i yoki badiiy kitob emas. Agar real qaraydigan bo‘lsam, yanvar—fevral oylari o‘tishini kutish kerak. Men sovuq havoni yomon ko‘raman”, — deydi u.
Mixail Popkov 81 nafar ayolni o‘ldirganlikda ayblangan. “Angarsk manyaki” nomi unga Irkutsk viloyatining Angarsk shahrida sodir etgan jinoyatlari sababli berilgan. Uning qurbonlari 17 yoshdan 38 yoshgacha bo‘lgan ayollar edi. 2015-yil yanvar oyida 22 ta qotillik va ikkita ayolni o‘ldirishga suiqasd sodir etgani uchun Popkov Irkutsk viloyat sudi tomonidan umrbod qamoq jazosiga hukm qilingan.
Mavzuga doir:
- “Vagner” tashabbusi: Rossiyada ayol mahbuslarni urushga yollash boshlandi
- Rossiyadagi o‘zbekistonlik mahbuslar Ukrainadagi urushga yollanayotgani haqida ma’lumot berildi
- “Vagner” chechenistonlik mahbuslarni Ukrainaga qarshi urushga jalb qilmoqda
