“Vagner” asoschisi Yevgeniy Prigojin Rossiya Mudofaa vazirligining qarshiliklari tufayli urushga mahbuslarni yollashni to‘xtatgani ma’lum qilindi. Bu haqda Rossiya hududiy kengashlaridan birining deputati Vyacheslav Vegnerga tayanib, UNIAN xabar berdi.
Deputat “VKontakte” ijtimoiy tarmog‘idagi sahifasida uning Prigojin bilan yozishmalaridan olingan maktubning skrinshotini joyladi. Yozishma haqiqatan ham oligarx Prigojin yoki uning matbuot xizmatiga tegishliligi belgisi yo‘q. Deputat Prigojinga ayol mahbuslarni Ukrainadagi urush zonasiga jo‘natishda yordam so‘rab murojaat qilgan. Javob maktubida Prigojin go‘yo u mahbuslarni yollash imkoniyatidan mahrum bo‘lganini da’vo qiladi va quyidagi sabablarni keltiradi:
- “Vazifalar”ni bajarishda haddan tashqari yuqori samaradorlik ma’lum miqdordagi vakolatli shaxslarni noqulay vaziyatga soladi. Bu frontdagi ayrim bo‘linmalarning ishini ham obro‘sizlantiradi.
- “Vagner” mahbuslarni mahbus sifatida emas, balki jangchilar bilan teng sifatida ishlatadi, bu esa elitani g‘azablantiradi.
- Bir qator harbiylashtirilgan amaldorlar, mahbuslar urushga yollansa, “Vagner” sifatida mashhur bo‘lishi mumkin deb qarorga kelgan.
Prigojin hozircha maktubning haqiqiyligini tasdiqlamagan yoki rad etmagan.
Izoh (0)