Россияда тожикистонлик танишини ўлдириб, унинг юрагини сабзавот билан қовуриб еган волгоградлик Дмитрий Малишев Украинадаги урушга юборилди. Бу ҳақда v1.ru хабар берди.
Малишев бундан 10 йил олдин қотиллик содир этган. У одам юрагидан овқат тайёрлаётганини видеога олган. Шу ва бошқа жиноятлари учун у 25 йилга қамоқ жазосига ҳукм қилинган. Бироқ, у ҳозирда “махсус операция зонаси”да (урушда) бўлиб, у ерда яна бир машҳур жиноятчи — маньяк Волжский Александр Масленников билан учрашган.
Масленников 2017 йилда зўрлаш ва талончилик учун жазони ўтаётган колониядан озод қилинган. У икки қизни шафқатсизларча ўлдириб, жасадларини бўлакларга бўлиб, Пушкин кўчасидаги ўрмонга кўмган. Мазкур жиноятлари учун Масленников 23 йиллик қамоқ жазосига ҳукм қилинган.
Малишев урушга Россиянинг анъанавий қадриятларини сақлаб қолиш туфайли борганини айтмоқда. Унинг сўзларига кўра, урушда яраланган ва ҳозирда касалхонада.
Изоҳ (0)