Ostona politsiyasi 10 yildan ortiq vaqt davomida xalqaro qidiruvda bo‘lgan O‘zbekiston fuqarosini qo‘lga oldi. Bu haqda shahar politsiya boshqarmasi xabar berdi.
Ma’lum qilinishicha, 42 yoshli O‘zbekiston fuqarosi odam savdosi bilan shug‘ullangani uchun 10 yildan beri qidiruvda bo‘lgan. Qidiruv tashabbuskori Toshkent viloyati ichki ishlar boshqarmasi hisoblanadi.
“Erkak vaqtincha saqlash izolyatoriga olib ketilgan. Ekstraditsiya masalasi hal qilinmoqda”, — deyiladi xabarda.
Bu xalqaro qidiruvda bo‘lgan O‘zbekiston fuqarolarining Qozog‘istonda qo‘lga olinishi bilan bog‘liq birinchi holat emas. Jumladan, yil boshida Turkiston viloyati politsiyasi xalqaro qidiruvda bo‘lgan ikki nafar O‘zbekiston fuqarosini qo‘lga olgandi. Ulardan biri uch yildan buyon xalqaro qidiruvda bo‘lib, talonchilikda ayblangan. Ikkinchisi esa giyohvand moddalarni saqlash bilan bog‘liq jinoyat sodir etgan.
Izoh (0)