Qozog‘istonning Qarag‘anda viloyatida odam savdosi uchun qidiruvga berilgan O‘zbekiston fuqarosi qo‘lga olindi. Bu haqda “Polisia.kz” xabar berdi.
Qidiruvdagi shaxs Uyushgan jinoyatchilikka qarshi kurashish boshqarmasi xodimlari tomonidan qo‘lgan olingan. U Namangan viloyati ichki ishlar boshqarmasi tomonidan 2016-yildan buyon qidiruvda bo‘lgan. Ayblanuvchi mehmonxonalar, ko‘ngilochar maskanlar va boshqa joylarni tekshirish chog‘ida ushlangan.
Bundan tashqari, Mang‘istov viloyatida yashovchi shaxs bir necha yil davomida aldab, 44 yoshli O‘zbekiston fuqarosini mehnat ekspluatatsiyasiga olib kelgani aniqlangan. Hozirda jabrlanuvchiga yordam ko‘rsatilmoqda.
Turkiston viloyatida ham 53 yoshli O‘zbekiston fuqarosini besh yildan ortiq mehnat ekspluatatsiyasi uchun noqonuniy ravishda ushlab turgan ikki dehqon xo‘jaligi rahbari aniqlanib, qo‘lga olindi. Erkakning pasporti olib qo‘yilgan va u 2017-yildan beri qoramol boqishga majbur bo‘lgan.
Izoh (0)