Украина ҳарбийлари 13 апрель куни Запорожье вилоятидаги Энергодар шаҳрига ҳужум уюштирган. Бу ҳақда “ТАСС” нашри хабар берди.
Манбага кўра, Украина ҳарбийлари Запорожье атом электр станцияси (ЗАЭС) жойлашган Энергодар шаҳрига зарба бериш учун камикадзе дронларидан фойдаланган. АЭС матбуот котиби Евгения Яшина ушбу хабарни тасдиқлаган.
Ҳужум оқибатида ҳалок бўлганлар ва жароҳатланганлар ҳақида маълумот берилмаган. АЭС ва унга алоқадор инфраструктурага ҳам шикаст етмаган.
“Энергодарга камикадзе дронлари билан зарба берилди. Қурбонлар ҳақида маълумот йўқ. Ҳеч ким тиббий ёрдам сўраб мурожаат қилмаган”, — дейилган Евгения Яшина хабарида.
Изоҳ (0)