AQSHning 73 yoshli sobiq diplomati Manuel Rosha 12-aprel kuni Kubada uzoq yillar davomida maxfiy agent sifatida ishlaganini uchun 15 yilga federal qamoq jazosiga hukm qilindi. Bu haqda Associated Press (AP) xabar berdi.
Xabarga ko‘ra, Rosha 500 000 dollar jarima to‘laydi va chet el hukumatining agenti sifatida fitna uyushtirganlikda aybini tan olganidan keyin hukumat bilan hamkorlik qiladi. Buning evaziga prokurorlar firibgarlik va yolg‘on bayonotlar berish ayblovlarini bekor qilgan.
Men to‘liq javobgarlikni o‘z zimmamga olaman va jazoni qabul qilaman, — dedi Rosha sud jarayonida.
Roshaning hukmi 1981-yildan beri Kuba nomidan “yashirin faoliyat” bilan shug‘ullanganlikda ayblanib, Mayamida hibsga olinganidan olti oy o‘tmay e’lon qilindi.
Prokurorlarning ta’kidlashicha, Roshaning aldovi yillar davomida aniqlanmagan, chunki Ayvi ligasida tahsil olgan diplomat kubalik tezkor xodimlar bilan yashirincha uchrashib, AQSH rasmiylariga kubaliklar bilan aloqalari haqida yolg‘on ma’lumot bergan.
Markaziy razvedka boshqarmasi 1987-yildayoq Kuba yetakchisi Fidel Kastroning AQSH hukumati ichida “super yumronqoziq” ko‘milganini bilgan va baʼzi rasmiylar bu Rosha bo‘lishi mumkin deb gumon qilgan, — deya taʼkidlaydi AP nashri.
Rosha Boliviya, Argentina, Meksika, Gavanada yuqori lavozimlarda faoliyat yuritgan.
Rosha o‘zini Kuba razvedkasi xodimi sifatida ko‘rsatgan maxfiy agent bilan yashirincha yozib olingan suhbatlarda ayblangan. Agent dastlab WhatsApp orqali Rosha bilan bog‘lanib, o‘zini “Migel” deb atagan hamda “Gavanadagi do‘stlaridan” xabar borligini aytgan
Rosha suhbatlarda AQSHni “dushman” deb atagan va uning 40 yildan ortiq vaqt davomida AQSH tashqi siyosatchilari qalbida kubalik “yumronqoziq” sifatida xizmat qilgani bilan maqtangan, — deydi prokurorlar.
Izoh (0)