Buyuk Britaniya politsiyasi mamlakat parlamenti deputatining yordamchisini Xitoy foydasiga josuslik qilganlikda gumon qilib qo‘lga oldi. Bu haqda The Times xabar berdi.
Ma’lum qilinishicha, uning faoliyati doirasiga tashqi siyosat masalalari, jumladan, Pekin bilan aloqalar kiradi. U bir muncha vaqt Xitoyda yashagan, huquq-tartibot xodimlari u yollangan bo‘lishi mumkinligini aytmoqda.
Hibsga olingan shaxsning maxfiy ma’lumotlarga kirish huquqiga ega Konservativ partiyaning bir qator yuqori martabali a’zolari bilan aloqasi bo‘lgan. Ular orasida ichki ishlar vazirining xavfsizlik bo‘yicha o‘rinbosari Tom Tugendxat va Britaniya parlamentining tashqi ishlar qo‘mitasi raisi Alisiya Kern ham bor.
Ta’kidlanishicha, gumonlanuvchi 13-mart kuni hibsga olingan, biroq u oktabrgacha garov evaziga qo‘yib yuborilgan. O‘shanda huquq-tartibot idoralari xodimlari ish tafsilotlarini e’lon qilmagan, faqat ayblovlar davlat sirlarini oshkor qilish bilan bog‘liqligini aytgan. Ismi oshkor qilinmagan yana bir gumondor ham qo‘lga olingan.
Tegishli hodisa boshqa davlat faoliyati tufayli xavfsizlikning eng yirik buzilishlaridan biriga aylanishi mumkin.
Izoh (0)