Isroil mudofaa kuchlari 7-aprelga o‘tar kechasi G‘azo sektori janubidan barcha bo‘linmalarini olib chiqib ketdi. Oq uyning milliy xavfsizlik bo‘yicha koordinatori Jon Kirbi buning sababini ma’lum qildi. Bu haqda ABC news xabar berdi.
Jon Kirbiga ko‘ra, sektor janubidan Isroil qo‘shinlarining olib chiqilishi qayta jihozlash va harbiylarning dam olishi bilan bog‘liq.
“Isroil qo‘shinlari to‘rt oydan beri jang qilmoqda, ular charchagani, ularni qayta jihozlash zarurligi haqida xabar olmoqdamiz”, — dedi u.
Kirbi “hozir u yerda aniq nima bo‘layotganini aytish qiyin” ekanini qo‘shimcha qildi.
“Biz tushunganimizdek va ularning ochiq bayonotlaridan kelib chiqqan holda, gap qo‘shinlarni dam olish va qayta jihozlash haqida ketmoqda. Bu, albatta, ushbu qo‘shinlarning kelajakdagi yangi operatsiyasini anglatmaydi”, — deya qo‘shimcha qildi Oq uy milliy xavfsizlik koordinatori.
Izoh (0)